बजार घट्दा पनि यो साता मूल्य धेरै बढेका १० कम्पनी
२१ मंसिर, काठमाडौं । यो साता सेयर बजार ०.५ प्रतिशत घटेको छ । गत साता २७४८ मा रहेको बजार यो साता २७३४ अंकमा बन्द भयो । समग्रमा बजार साइडवेज ट्रेन्डमा देखिएको छ । यो साता ५ दिन नै कारोबार भएको छ ।
साताको पहिलो दिन आइतबार ९.९९ अंक घटेको बजार सोमबार १९.९७ र मंगलबार १७.८० अंक बढ्यो । त्यस्तै बुधबार २४.९७ र बिहीबार १५.९३ अंक घट्यो ।
कारोबार रकम साढे ८ देखि १० अर्बको बीचमा घुमिरहेको छ । आइतबार ८ अर्ब ८३ करोडको कारोबार भएकोमा सोमबार १० अर्ब ५४ करोड, मंगलबार ८ अर्ब ५२ करोड, बुधबार ९ अर्ब १३ करोड, बिहीबार ८ अर्ब ३६ करोडको कारोबार भयो ।
यो साता बजारमा समूहगत उतारचढाव
| समूह | गत साताको अंक | यो साताको अंक | वृद्धिदर प्रतिशत |
| बैंकिङ | १,४९२ | १४४० | –३.४८ |
| विकास बैंक | ५,८६१ | ५८१७ | –०.७५ |
| फाइनान्स | ३,६३८ | ३३६८ | –७.४२ |
| हाइड्रोपावर | ३,५७९ | ३६१५ | १.०० |
| माइक्रोफाइनान्स | ५,१६१ | ५०५२ | –२.११ |
| जीवन बीमा | १३,५६७ | १३,७५४ | १.३७ |
| निर्जीवन बीमा | १३,१९१ | १३,०७८ | –०.८५ |
| होटल तथा पर्यटन | ६,८९६ | ६८५२ | –०.६३ |
| उत्पादन÷प्रशोधन | ६,८२८ | ६७३६ | –१.३४ |
| लगानी | १०६.८५ | १०४.७५ | –१.९६ |
| व्यापार | ४,२२९ | ५०७४ | १९.९८ |
| अन्य | २,०५८ | २००३ | –२.६७ |
व्यापारमा उच्च वृद्धि, बैंकिङमा गिरावट
यो साता व्यापार सेक्टर सबैभन्दा धेरै करिब २० प्रतिशत बढ्यो । पूँजीकरणका आधारमा सबैभन्दा ठूलो कम्पनी विशाल बजारको मूल्यमा आएको उच्च वृद्धिले व्यापार सेक्टरलाई बढायो ।
साल्ट ट्रेडिङ र विशाल बजार दुई कम्पनी मात्रै सूचीकृत रहेको यो सेक्टर विशाल बजार कम्पनीले नै चलाउँछ । साल्ट ट्रेडिङभन्दा विशाल बजारको पूँजीकरण १० गुणा बढी छ ।
त्यस्तै हाइड्रोपावर र जीवन बीमा पनि सामान्य बढे । तीबाहेक अरु सबै सेक्टर घटेका छन् । बैंकिङ सेक्टर सबैभन्दा धेरै ३.४८ प्रतिशत घट्यो ।
यो साता मूल्य धेरै बढेका १० कम्पनी
| कम्पनी | हालको मूल्य | वृद्धिदर प्रतिशत |
| खानीखोला हाइड्रोपावर | ४२८ | ४५.३६ |
| जोशी हाइड्रोपावर | ४७५ | ३७.८८ |
| दिव्यश्वरी हाइड्रोपावर | ३३७ | २६.२२ |
| विशाल बजार | ६६३० | २१.७६ |
| मन्दाकिनी हाइड्रोपावर | ९३८ | १८.१४ |
| नारायणी डेभलपमेन्ट बैंक | १२३४.२० | १६.४३ |
| सुपर मादी हाइड्रोपावर | ११४९ | १६.१८ |
| रिभर फल्स पावर | १०५० | १३.३९ |
| स्वाभिमान लघुवित्त | २२०५ | १२.५० |
| मोलुङ हाइड्रोपावर | ५०८ | १२.१४ |
उच्च कारोबार भएका कम्पनी
यो साता कारोबार रकमका आधारमा नेपाल फाइनान्स अग्रस्थानमा रह्यो । एक सातामा यस कम्पनीको १ अर्ब ५८ करोडको सेयर कारोबार भएको छ ।
त्यसपछि क्रमशः एनआरएन इन्फ्रास्ट्रक्चर, ङादी ग्रुप पावर, एक्सल डेभलपमेन्ट बैंक, जानाकी फाइनान्स, मितेरी डेभलपमेन्ट बैंक, युनाइटेड इदी मर्दी, बेस्ट फाइनान्स, लाइफ इन्स्योरेन्स नेपाल र रसुवागढी हाइड्रोपावर रहे ।
कारोबार संख्याका आधारमा अगाडि रहेका कम्पनीमा नेपाल फाइनान्स, ङादी ग्रुप, आँखुखोला जलविद्युत्, हिमालयन रिइन्स्योरेन्स, जानाकी फाइनान्स, मितेरी डेभलपमेन्ट बैंक, जोशी हाइड्रोपावर, नेसनल हाइड्रोपावर, युनिभर्सल पावर र ज्योति विकास बैंक क्रमशः रहे ।
यो साता मूल्य उच्च दरमा घटेका कम्पनी
| कम्पनी | हालको मूल्य | गिरावट दर प्रतिशत |
| नेपाल फाइनान्स | ११५५ | -२३.०० |
| युनिक नेपाल लघुवित्त | २५०२.१० | -११.२७ |
| गुडविल फाइनान्स | ८६७ | -९.७८ |
| बेस्ट फाइनान्स | ८६७ | -८.६९ |
| जानाकी फाइनान्स | ९२५ | -८.८७ |
| विन नेपाल लघुवित्त | २६६९ | -६.५० |
| गुराँस लघुवित्त | २२८० | -६.३७ |
| अपर सोलु हाइड्रो | ६०७ | -६.३३ |
| समाज लघुवित्त | ३४०६ | -६.१७ |
| रिलायन्स फाइनान्स | ६५४ | -६.१७ |
